Сергей Меняйло фембæлд «Газпром межрегионгаз»-ы хайады генералон директоры хæдивджытæ Юрий Пахомовский æмæ Роман Седовимæ. Æрдзырдтой, нæ бæстæйы президент Владимир Путин афæдзы кæронмæ цæрджыты газæй сæххæст кæныны тыххæй цы уынаффæ рахаста, уый æххæстгонд куыд цæуы, ууыл.
Æмбырды ма бацархайдтой хицауады сæрдар Дзанайты Барис æмæ «Газпром межрегионгаз Владикавказ»-ы генералон директор Козаты Алан. Куыд фæнысан кодтой, афтæмæй республикæйы газæй ифтонгад цæуы æмбæлгæ фæткмæ гæсгæ. Социалон газификацийы æмвæзадмæ гæсгæ, иннæ регионты ‘хсæн Цæгат Ирыстон ис фæндзæм бынаты. Уый хыгъд Сергей Меняйло фæнысан кодта, цæрджыты ‘хсæн сæрмагонд льготæтæ кæмæ ис, уыдонæн дарддæр æххуыс кæнын ахсджиаг кæй у.
