Республикæйы сæргълæууæг Сергей Меняйло радон хатт фембæлд республикæйы цæрджытимæ. Цæрджыты курдиæттæ уыдысты алывæрсыг. Сæ фылдæр баст уыдысты æхсæнадон ахсджиаг фарстатимæ. Быдыры Дæргъæвсы цæрджытæ куыд радзырдтой, афтæмæй сæ хъæуы фæндæгтæ сты цалцæггæнинаг. Фыййагдоны цæрæг та сæргълæууæгмæ фисидт, цæмæй сæ хъæуы сæйраг уынджы аллей нырыккон домæнтæм гæсгæ цалцæггонд æрцæуа. Æмткæй райсгæйæ курдиæттæ баст уыдысты республикæйы цæрджыты царды гæнæнтæ фæхуыздæр кæнын æмæ сын æмбæлгæ уавæртæ саразынимæ. Ахуырады къабазимæ баст фарстатæ кæмæ уыд, ахæмтæ дæр разынд фембæлды. Елхоты цæрæг фæсидт курдиатимæ, цæмæй скъалаты фæзына фæсурокты уæвыны къордтæ. Бынæттон бирæвæрсыг колледжы студент та республикæйы разамонæгæй куры, цæмæй Кировы районы скъоладзаутæн фадат уа агрокълæсты ахуыр кæнынæн. Сергей Меняйло ацы хъæппæрисимæ сразы. Æмбæлгæ амындзинæдтæ радта дзуапдæттæг министрæн.
Регионы разамонæг ма йе ‘ргом раздæхта Камбилеевское цæрæджы курдиатмæ. Уый 1-æм скъолайæн æркуырдта ног автобус.
Республикæйы сæргълæууæг фæнысан кодта алы курдиат æмæ фарстамæ дæр лæмбынæг æркаст кæй уыдзæн. Бæрной кусджытæн бабар кодта лыггæнинаг фарстатæ иуварс кæныны хъуыддагмæ бæстойнæй æркæсын.
