Сергей Меняйло фембæлд акционерон иугонд «РусГидро»-йы генералон директоры фыццаг хæдивæг Николай Карпухинимæ. Ныхас кодтой гидроэнергетикæйы райрæзты фарстатыл. Æркастысты, «РусГидро»-йы проекттæ Цæгат Ирыстоны куыд æххæстгонд цæуынц, уымæ. Се ‘хсæн Зæрæмæджы гидроэлектростанцæ, сарæзтой йæ 2020-æм азы.
Ныртæккæ куыстуат фæнд кæны Уналы гидроэлектростанцæйыл бакусын дæр. Уый фæрцы Æрыдоны цæугæдоны ног донцъирæн кусæнгæрзтæ аразын нал бахъæудзæн. Афтæмæй энергон тыхæй ифтонгад республикæйы фæхуыздæр уыдзæн æмæ фæзындзæн ног куысты бынæттæ.
Уымæй уæлдай, «РусГидро» сног кæндзæн Цæгат Ирыстоны 3 гидроэлектростанцæйы — Эзмийы, Джызæлы æмæ Дзæуджыхъæуы. Эзмийы ныридæгæн цалцæггæнæн куыстытæ сты сæ тæмæны. Ивынц æппæт механикон, электрон æмæ техникон ифтонггæрзтæ.
