Цæгат Ирыстоны Сæргълæууæг Сергей Меняйло фембæлд, сæрмагонд æфсæддон операцийы бынаты чи фæмард, уыцы æфсæддонты бинонтимæ.
Республикæйы разамонæг сын ракодта тæфæрфæс, æмæ сын радта Лæгдзинады ордентæ. Уыдоны аккаг æфсæддонтæ, сæ амæлæты фæстæ, систы Уæрæсейы Президенты Указмæ гæсгæ. Се ‘фсæддон хæс æххæст кæнгæйæ, сæрмагонд æфсæддон операцийы бынаты равдыстой лæгдзинад, хъæбатырдзинад æмæ ныфс. Сергей Меняйло ма загъта, нæ республикæ дарддæр кæй æххуыс кæндзæн хæстонты бинонтæн. Мадзалы ма архайдтой фæллойы æмæ социалон рæзты министр Айдарты Алинæ, республикæйы æфсæддон комиссар Владимир Скоморох, стæй сæрмагонд æфсæддон операцийы архайджытæн паддзахадон æххуысы Фонд “Фыдыбæстæ хъахъхъæнджытæ” регионалон филиалы директор Хетæгкаты Маринæ.
