Сергей Меняйло фембæлд сæрмагонд æфсæддон операцийы чи фæмард, уыцы хæстонты бинонтимæ

Сергей Меняйло фембæлд сæрмагонд æфсæддон операцийы чи фæмард, уыцы хæстонты бинонтимæ. Республикæйы сæргълæууæг хъæбатырты хæстæджытæн ракодта тæфæрфæс, радта сын паддзахадон хæрзиуджытæ. Бæстæйы Президенты Указмæ гæсгæ, æфсæддон хæс æххæстгæнгæйæ æхсардзинад æмæ удуæлдайдзинад кæй равдыстой, уый тыххæй хæстонтæ хорзæхгонд æрцыдысты Лæгдзинады ордентæй æмæ Суворовы майдантæй сæ амæлæты фæстæ. Регионы разамонæджы ныхæстæм гæсгæ, бæстæйы сæраппонд йæ цард чи нæ бавгъау кодта, уыдон рох нæ уыдзысты, алкæддæр сæ уыдзыстæм сæрбæрзонд. Загъта ма, республикæ дарддæр дæр кæй æххуыс кæндзæн, йе фсæддон хæс æххæстгæнгæйæ чи фæмард, уыцы хæстонты бинонтæн. Мадзалы архайдтой Цæгат Ирыстоны æфсæддон комиссар Владимир Скоморох, республикæйы фæллойы æмæ социалон рæзты министры хæстæ рæстæгмæ æххæстгæнæг Абайты Юрий, Сæрмагонд æфсæддон операцийы архайджытæн æххуысы паддзахадон фонды регионалон филиалы разамонæг Хетæгкаты Маринæ.