Сергей Меняйло фембæлд Золойты Анжеликæ æмæ Къубалты Камиллæимæ

Мæздæджы районæй скъоладзаутæн Сергей Меняйло радта Федерацийы Советы майдантæ “Хъæбатырдзинад равдисыны” тыххæй. Золойты Анжеликæ æмæ Къубалты Камиллæ сты Веселовскæйы скъолайы кадетон кълæсты ахуыргæнинæгтæ. Фервæзын кодтой 5-аздзыд лæппуйы, бауадзыг сывæллæтты бæрæгбоны рæстæг. Чызджытæ йын йæ улæфæнтæй æцæгæлон предмет систой æмæ йæ радтой хистæрты къухтæм. Фембæлды ма архайдтой Федерацийы Советы сенатортæ Цæгат Ирыстонæй Мамсыраты Таймураз æмæ Виталий Назаренко. Скъоладзауты схорзæхджын кæныны фæдыл курдиат балæвæрдтой Æппæтуæрæсеон граждайнаг-патриотон проект “Дети-герои”-йы фæлгæты. Регионы разамонæг сын загъта, ахæм хъуыддæгтæ фæзминаг кæй сты. Анжеликæ æмæ Камиллæ фыццаг æххуыс кæнын базыдтой кадетон къласы ахуыр кæнгæйæ. “Хъæбатырдзинад равдисыны” майданмæ курдиæттæ балæвæрдтой 230 сывæллоны фæдыл, уыдонæй 3 — нæ республикæйæ. Джиоты Чермены та схорзæхджын кодтой Федерацийы Советы кадджын мадзалы, денджызы цæф чызджы кæй фервæзын кодта, уый тыххæй.