Цæгат Ирыстоны сæргълæууæг Сергей Меняйло кусæг фембæлды архайдта Уæрæсейы юстицийы министрады регионалон управленийы ног разамонæг Цыхуырбаты Владимиримæ.
Видеобастдзинады руаджы разамонæджы ведомствойы кусджытимæ базонгæ кодта бæстæйы юстицийы министры фыццаг хæдивæг Евгений Забарчук. Арфæ йын ракодта йæ ног куысты фæдыл. Фæнысан кодта, цæмæй ведомство йæ размæ æвæрд хæстæ æнтыстджынæй æххæст кæна. Æмархайд кæна федералон дзуапдæттæг куыстуатимæ æмæ регионы хицауады уæнгтимæ. Æрмæст афтæмæй управлени æвдисдзæн хорз бæрæггæнæтæ. Сергей Меняйло куыд радзырдта, афтæмæй бæстæйы юстицийы министрад æмæ республикæ куысты иузæрдион сты. Ног разамонæгæн арфæ ракодта.
