Сергей Меняйло раарфæ кодта команда «Юрикен»-ы уæнгтæн КВНы уæлдæр лигæйы уæлахизы фæдыл

Сергей Меняйло раарфæ кодта команда «Юрикен»-ы уæнгтæн КВНы уæлдæр лигæйы уæлахизы фæдыл. Цæгат Ирыстоны паддзахадон университеты хъæлдзæг æмæ дзырдарæхст фæсивæд сæргълæууæгæн радзырдтой сæ дарддæры нысанты тыххæй. Директор Плиты Сослан куыд загъта, афтæмæй се ‘нтыстдзинад ахсджиаг у æгас республикæйæн. Фембæлды рæстæг Сергей Меняйло фæбæрæг кодта, æрыгон фæлтæры алывæрсыг райрæзтæн уавæртæ кæнын ахсджиаг кæй у. Командæ «Юрикен» регионы КВНы историйы фыццаг уæлахиздзау у уæлдæр лигæйы. Уый хыгъд, фæсивæд рæзынц раздæры командæты хорз традицитыл. 1998 азы уæлдæр лигæмæ рацыдысты «Владикавказские спасатели», 2008 азы та «Пирамида» сси финалист. Сергей Меняйло фæсивæдæн балæвар кодта номылгонд сахаттæ.