Афæдзмæ республикæйы рабæрæг кодтой финансон-бюджетон фæткхæлдтытæ 88 млн сомæн. Уый тыххæй фехъусын кодтой коррупцийы ныхмæ æмбырды рæстæг. Амыдтæ йæ сæргълæууæг Сергей Меняйло.
Архайдтой дзы премьер Дзанайты Барис, сæйраг федералон инспектор Сергей Гончаров, æхсæнадон палатæйы сæрдар Нина Чиплакова. Регионы разамонæг профилон ведомствæйæн бабар кодта æрвылаз хъусын кæнын басгæрстыты хатдзæгты тыххæй, се ‘хсæн куыстуæтты специалисттæн мызд фидыны хъуыддаг, национ æмæ паддзахадон программæтæ æххæст кæнынæн цы æхцайы фæрæзтæ хардзгонд цæуынц, уый тыххæй информаци.
Кæронбæттæны мадзалы архайджытæ снысан кодтой фидæны азмæ куысты пълан.
