Сергей Меняйло схорзæхджын кодта интеллектуалон ныхмæлæудты Цæгат Кавказы æртыккаг олимпиадæ «Кредо – знание»-йы финалистты. Мадзаларазджытæ ахуырадæн æххуысы фонд «Кредо – знание».
Æркаст сарæзтой ныр 13-æм хатт. Архайдтой дзы Цæгат Кавказы федералон зылды регионтæй æмæ Хуссар Ирыстонæй 10-æм æмæ 11-æм кълæсты 40 скъоладзауы. Фæсивæд сæ цæттæдзинад æвдыстой 5 предметæй: физикæ, математикæ, хими, биологи æмæ информатикæйæ.
Уæлахиздзаутæ систы æппæт предметтæй дæр фылдæр баллтæ чи райста, уыдон. Фыццаг бынат бацахста Кæсæг-Балхъары республикæйæ командæ. Уæлахиздзаутæ райстой Кады гæххæттытæ æмæ æхцайы сертификаттæ.
