Сергей Меняйлойы разамындæй ацыд æрвылкъуырион аппаратон æмбырд

24.03.2025 20:00

Ивгъуыд къуыри контролон-уадзæн пункт “Уæллаг Ларс”-ы уылт ахызт 11 мин хæдтулгæйы.

Ивгъуыд къуыри контролон-уадзæн пункт “Уæллаг Ларс”-ы уылт ахызт 11 мин хæдтулгæйы. Уый тыххæй фехъусын кодтой аппаратон æмбырды. Цæгат Ирыстоны рады лæууынц уæзласæн транспорты 1700 иуæджы, уыдонæй 770 сты сæрмагонд æрлæууæн бынæтты. Паддзахадон автоинспекцийæн Сергей Меняйло бабар кодта, цæмæй Арвыкомы фæндагыл транспорты цыдимæ къуылымпыдзинæдтæ ма ‘взæра. Бæлвырддæр дзургæйæ, шофыртæ рады иувæрсты арæны сæрты ма хизой. Аппаратон æмбырды ныхас цыд зæххы хæйттæ дæттыны фарстайыл дæр. Регионы сæргълæууæг ма иу хатт зæрдыл æрлæууын кодта, республикæйы зæххы хæйттæ дæттыны архайд рæстæгмæ кæй баурæдтой. Йæ ныхасмæ гæсгæ, ацы мадзал хъуамæ æнæхъæугæ арæзтæдтæ баурома Мамысонгомы. Æппæт закъонхæлдтыты тыххæй дæр фехъусын кæнын хъæуы барадон оргæнтæм. Уыимæ ма æргом аздæхта Дендрарий æмæ парк “Нæртон”-ы бирæ бæлæстæ кæй афæлдæхт, уымæ.

Предыдущий материал

Республикон æмæ бынæттон бюджеттæй æввонггæнгæ куыстуæттæн энергон ресурстæн хъалонтæ фидыны домæнтæ фæкарздæр кæнын

Следующий материал

Уалдзыгон ирд æмæ хъæздыг рауад музыкалон студи “Вивальди”-йы концерт.