Республикæйы 56 мин скъоладзауы æххæст кæндзысты хъарм хæринагæй ног ахуыры аз. Ацы хъуыддагæн рахай кодтой 650 милуан сомæй фылдæр. Уый тыххæй аппаратон æмбырды фехъусын кодта ахуырад æмæ наукæйы министр Алыбегты Эллæ. Хъыгдæрд æнæниздзинадимæ сывæллæттæ хæринаг исдзысты дыууæ хатты. Ноггонд æрцыд меню дæр. Ныр æй нысан кæндзысты 20 бонмæ. Сергей Меняйло бабар кодта, скъоладзауты хъарм хæриангæй æххæст кæныны фарстамæ уæлдай æргом здахын.
Ног ахуыры азмæ бындуронæй сцалцæг кодтой 30 скъолайы. 12-дзы куыстытæ нырма цæуынц. Фæуыдзысты сæ октябры кæронмæ. Ног скъола 200 бынатимæ байгом Черноярская станицæйы. Афтæмæй, бындурон цалцæджы программæйы фæлгæты 2022-æм 2023-æм азты сног кæндзысты 66 скъолайы. Республикæйы райдыдта гриппы ныхмæ прививкæ кæнæн рæстæг. Коллективон иммунитетæн хъæуы, цæмæй 416 мин адæймаджы вакцинаци скæной.
