Цæрæнуæтты арæзтадмæ стыр æвæрæн бахæссыны тыххæй. Республикæйы фыццаг вице-премьер Атарты Георгий æмæ арæзтад æмæ архитектурæйы министр Бетанты Маратæн радтой Уæрæсейы Президенты номæй бузныджы фыстæджытæ. Кады нысантæ сыл сæмбæлын кодта Сергей Меняйло. Сæргълæууæг фæнысан кодта, ахæм аргъы фæстæ дарддæр дæр уæвын хъæуы къабазы хуыздæртæ. Аппаратон æмбырды æрныхас кодтой æндæр фарстатыл дæр. Беслæны, æнæпилотон тæхæг аппараты хæйттæ цы хæдзарыл æрхаудысты, уый 85% цæттæ у. Сергей Меняйло бахæс кодта æппæт куыстытæ фæтагъддæр кæнын.
Ныхас цыд эпидемиологон уавæрыл дæр. Республикæйы сывæллæтты 3 рæвдауæндоны æмæ скъолайы 3 къласы сæхгæдтой карантины. Скъолайы агъоммæ æмæ астæуккаг ахуырадон организациты æхснырсæг рабæрæг сывæллæтты 16 æмæ 13%-мæ. Дзуапдæттæг министр Алыбегты Эллæ куыд фехъусын кодта, афтæмæй сæрмагонд æфсæддон операцийы архайджыты нымæцæй 25 адæймаджы рагагъоммæ равзæрстой проекты архайынмæ. Уыдон скъолаты æмæ астæуккаг профессионалон ахуырадон кусæндæтты суыдзысты уынаффæгæнджытæ патриотон хъомылады фæдыл. Февралы кæрон скусдзæн цæттæгæнæн программæ рухстауынады министрад æмæ центр “Воин”-ы архайдимæ. Мартъийы райдиан та сæ райсдзысты æфсæддон-патриотон хъомылады центр “Авангард”-мæ.
