Фыццаг æмæ раст уæвын. Ахæм хъуыдыимæ йе `мкусджытæм фæсидт æппæтадæмон информацион агентад «Россия сегодня»-йы генералон директор, журналист, амонæг Дмитрий Кисилев. Уый архайдта нырыккон журналистикæйы форум «Æгас Уæрæсе-2019»-ы. Ныхасы рацарæзт уыд фарст-дзуаппы хузы. Журналисттæ йæ фарстой йæ дæсныйад, политикæ æмæ ног технологиты тыххæй. Абон форум кусы цыппæрæм бон.
Цæгат Ирыстоны делегаци цы презентаци бацæттæ кодта, уый форумы архайджыты зæрдæмæ фæцыд. Равдыстой сын республикæйы культурæ æмæ æгъдæутты тыххæй видеоæрмæджытæ. Сæйраг экспозици снысан кодтой республикæйы дзыллон-информацион фæрæзтæ æмæ пресс-службæтæн.
Абон форумы радзурдзысты Уæрæсейы хуыздæр газетты фæлтæрддзинады тыххæй. Журналистикæйы тыххæй сараздзысты чингуыты презентацитæ.
