Социалон фæдзæхстады регионалон фонд йæ куыстæн хатдзæгтæ скодта

25.12.2019 14:24

Ацы аз куыстуаты хъыгдæрд чи баййæфта, уыдонæн, бæлвырддæр та 7 адæймагæн, радтой хæдтулгæтæ.

Социалон фæдзæхстады регионалон фонд йæ куыстæн хатдзæгтæ скодта. Ацы аз куыстуаты хъыгдæрд чи баййæфта, уыдонæн, бæлвырддæр та 7 адæймагæн, радтой хæдтулгæтæ. Уый тыххæй фехъусын кодта нæ республикæйы социалон фæдзæхстады фонды разамонæг Айларты Зæлинæ. Æдæппæттæй хъыгдæрд чи баййæфта, уыдон сты 47 адæймаджы. Алы 7 аз хæдтулгæ ногæй баивынц. Дзырдтой ма санаторон-курортон дзæбæхгæнæн путевкæты тыххæй. Ныртæккæ хи сдзæбæх кæнынмæ рады лæууынц 5 мин адæймаджы. Фæлæ Айларты Зæлинæйы ныхæстæм гæсгæ, путевкæйы рад кæмæн æрцæуы, уыдонæй сæ сæ фылдæр нал райсынц. Уымæн ссарынц алыхуызон аххосæгтæ, фылдæр хи аххосæгтæ вæййынц. Æмбырды ма уæлдай æргом аздæхтой рынчынты электрон гæххæттыты уавæрмæ. Ацы аз сæ нымæц уыд 91 мин. Уый ивгъуыд азтимæ абаргæйæ у 3 мины къаддæр. Ацы ногдзинад фадат ратта къабазы закъонхæлдтытæ фæкъаддæр кæнын.

Предыдущий материал

Брейн-рингæй чемпионат сарæзтой Дзæуджыхъæуы

Следующий материал

«Эко-Альянс»-ы директор фембæлд Дзæуджыхъæуы цæрджытимæ

Читайте также

Все новости