Дзæуджыхъæуы социалон лæггæдты æртæ бирæвæрсыг центры фæзынд ногдзинад – «социалон такси». Æххæстгонд цæуы «Æнцонвадат цардархайды» программæйы фæлгæты. «Социалон такси» фыццаджыдæр æххуыс у, йе `нæниздзинад хъыгдард кæмæн у, уыдонæн. Йæ кусджыты та фæнды инвалидтæн баххуыс кæнын, хъæугæ бынатмæ сæ бахæццæ кæнын. Уыдоны арæхдæр бахъæуы поликлиникæмæ, рынчындонмæ, аэропортмæ æмæ вокзалмæ ласын. Зæгъын хъæуы уый дæр, æмæ ацы лæггæдтæ лæвар не сты. Фиды сын районты разамынд. Цы куыстуæттæ сæ æххæст кæнынц, уый фенæн ис бæлвырд сайтты. Такситы ис сæрмагонд хæрдмæисæн фæрæз. Йæ астæуыстæг хъыгдард кæмæн у, уыдонæн шофыр æмæ инвалидмæ цæстдарæг баххуыс кæнынц машинæйы сбадынæн.
Людмилæ Макарова: «Ацы лæгггад æмбæлы инвалидтæн æмæ Фыдыбæстæйы Стыр хæсты ветерантæн. Цæгат-Ныгуылæн районы социалон таксийæ тынг арæх пайда кæнынц. 2017 азы баххуыс кодтой 216 адæймагæн, лæвар ластой йе нæниздзинад хъыгдаррд кæмæн у, ахæм 108 сывæллоны».
