Студентон сæрдыгон фыццаг æмбырд «Æрыгон»-ы аразджыты æмæ архайджыты схорзæхджын кодтой хицауады хæдзары

Студентон сæрдыгон фыццаг æмбырд «Æрыгон»-ы аразджыты æмæ архайджыты схорзæхджын кодтой хицауады хæдзары. Йæ раныхасы сæм фæсидт Цæгат Ирыстоны сæргълæууæджы Администрацийы разамонæг Гобеты Ибрагим. Æмбырды архайджытæн загъта бузныг студентон æмбырд кæй сарæзтой æмæ программæйы хыгъды мадзæлтты кæй бацархайдтой, уый тыххæй. Фембæлд ацыд бæрзонд æмвæзадыл. Æмæ уый рауад æппæт архайджыты иумæйаг æнгом куысты ‘руаджы. Фæсивæды минæвæрттæн регионы разамонæг Сергей Меняйлойы æмæ йæхи номæй ракодта арфæ. Æхсызгон у арфæйы аккаг чи сси, уыдоны ‘хсæн нæ телекомпанийы тематикон службæйы амонæг Лалыты Дианæ кæй ис, уый.