Фæстаг азты республикæйы бæрæгбæтты `хсæн уæлдай ирдæй зыны Ирон æвзаджы бон.
Бæрæгбоны тыххæй йæ рæстæджы бадзырд бафыста Дзасохты Алыксандр. Ирон æвзаг æмæ литературæйы бæрæгбон канд абон нæ, фæлæ æрвылбон вæййы ЦИПУ-йы ирон филологийы факультеты. Абон уæйлдай бæрæгбонарæзт сты ахуыргæнджытæ дæр, æмæ студенттæ дæр.
Æнæхъæн къуыри факультеты бæрæгбонмæ цæттæ кодтой алыхуызон мадзæлттæ. Ахуыргæнджытæ сæ фæсивæдимæ иумæ æнтыстджынæй æххæст кæнынц. Иу ахæм сарæзтой, кæй зæгъын æй хъæуы, абон дæр. Студенттæ фембæлдысты филологон наукæты доктор, профессор Тахъазты Харумимæ. Радзырдта сын йæ цардвæндаджы цауты тыххæй, мадæлон æвзаджы номыл цы удуæлдай куыст фæкодта, тыххæй.
Æрыгон фæлтæр æм лæмбынæг хъуыстой. Ирон филологийы факультеты цы `гъдау ныффидар, уый студенттæ æмæ сæ ахуыргæнджытæ дарддæр æнтысджынæй хæссынц ахæм дæсны хистæрты фæрцы. Хæстæгдæр рæстæг ма факультеты сараздзысты мадæлон æвзагимæ баст викторинæ, ныридæгæн уал ныффыстой дыууæ диктанты ирон æвзагыл, сæ иу уыд глобалон. Студенттæ ма фембæлдзысты наукон-иртасæн институты ахуыргæнджытимæ дæр.
