Студенттæн æххуыс

Цæгат Ирыстоны Паддзахадон Унивеситеты абон уыд фыццаг семинар фæсарæйнаг студенттимæ æмæ уæлдæр скъолатæ каст чи фæци, уыдонимæ кусыны фарстатыл. Президенты гранты æххуысæй йæ сарæзтой Æппæтдунеон рауагъдæтты ассоциацийы уæнгтæ. Цæгат Ирыстон у дыккаг бынат Уæрæсейы, ахæм семинар кæм сарæзтой, уый. Архайдтой дзы нæ республикæйы уæлдæр ахургæнæндæтты разамонджытæ æмæ кусджытæ, стæй иннæ регионты уазджытæ. Ахуырты сæйраг нысан у – уæлдæр скъолаты, фæсарæнтæй цы студенттæ ахуыр кæнынц, уыдонмæ уæлдай хъус æрдарын æмæ сын ам цæрынæн хуыздæр уавæртæ саразын. Ныртæккæ Цæгат Ирыстоны Паддзахадон университеты ахуыр кæны 200 фæсарæйнаг студентæй фылдæр. Сты Хуссар Ирыстонæй, Æмхæлардзинады Хæдбар Бæстæтæй, Африкæ æмæ Камерунæй, стæй Нигерийæ æмæ Китайæ. Æмбырды архайджыты ныхæстæм гæсгæ, фæсарæйнаг фæсивæдæн нæ республикæйы сæ гæнæнтæ фылдæр кæнынц.