Дзæуджыхъæуы æрдзон газимæ баст приборты уавæрмæ сæ цæст дарынц специалисттæ. Коммуникацитæ баивыны кæнæ вентиляционы канал раст куы нæ фæкусы, уæд арæх расайынц фыдбылызмæ. Сæрмагонд службæты кусджытæ рейдтæ саразынц æппынæдзух. Сæ сæйраг хæс у цæрджыты стыр бæллæхæй бахъахъхъæнын.
Фыдбылыз ма руадзыны тыххæй домæнтæ баххæст кæнын. Алы лыстæг хъуыддаг, гæнæн ис, æмæ стыр бæллæхмæ расайа. Газы службæйы кусджытæ ахæм цаутимæ æппынæдзух æмбæлынц. Фылдæр хи хæдзæртты. Уым, закъоны сæрты ахизгæйæ, барвæндонæй системæмæ бахæссынц ивддзинæдтæ. Йæ хъаруйæ фылдæр скусын кæнынц хъармгæнæн пецтæ, æмæ афтæ æгас регионы дæр.
Ахæм рейдты руаджы сбæрæг вæййы, хæдзары хицæуттæ бæстон кæм скодтой куыстытæ, кæм та бацауæрзтой фидар æмæ хæрзхъæд æрмæгтыл. Мæнæ уымæн хорз дæнцæг. Бындурон цалцæг. Коммуникацитæ фæивтой. Газы гæрзтæ сты ногивд, сæ хæрзхъæддзинад сын бæрæг кæнынц афойнадыл. Николай Гречкин раздæр газы службæйы куыста, уымæ гæсгæ йæ зоны, профилактикæ уæлдай кӕй никуы вæййы.
Ивгъуыд аз æрмæст сывæллæтты рынчындонмæ бахауд 18 пациенты фесты газ хъæстæ. Статистикæ ахæм чысыл регионæн бæрзонд у. Арæхдæр сабитæ бæллæхы бахауынц, газы хæтæлмæ æнæ закъонæй кæм бавналынц, уыцы хæдзæртты. Арæхдæр ахæм цæрджытæм нæ хъары ныхас, адæймаджы цард ахсджиагдæр кæй у, уый тыххæй.
Ам та хъæндзинæдтæ рæбынуæз агурын нæ хъæуы. Адæм хъармгæнæн гарзтæ æвæргæйæ, вентиляцион каналтæ раст нæ ауадзынц. Науæд та сæ бынтондæр не скæнынц. Фыдбылызæй тæссаг ма уымæн вæййы, æмæ сыгъд газ æрдзон газæй уæлдай тæф нæ кæны. Дыууæ, æртæ улæфты фаг вæййы сыгъдхъæстæ фæуынмæ.
Сыгъдхъæстæ чи фæвæййы, уыдоны нымæц зын банымайæн у. Арæх фыццаг медицинон æххуыс дæр фаг вæййы. Фæлæ уæддæр медиктæ сидынц бæллæхы фæстæ дохтырты æркаст бæстонæй ацæуын. Æнæниздзинадыл фæстиуджытæ фæстæдæр дæр банкъарынц.
Фыдбылызæй хи бахизынмæ æнæнхъæлæджы уавæрты министрады специалисттæ сидынц хæдзæртты фæздæг æмæ сыгъд газы датчиктæ сæвæрын. Уыимæ ма арæхдæр бæрæг кæнын, вентиляци раст кусы æви нæ, уый.
