3 милуаны æмæ 800 мин сомы иухаттон фиддон, Хъахъхъæнынады министрадимæ контракт чи бафысса сæрмагонд æфсæддон операцийы бацархайынмæ, уыцы цæрджытæн. Уыцы фæрæзтæй 3 милуаны æмæ 200 сомы – уый у республикон æххуыс, 400 мин сомы – федералон æмæ 200 мин сомы – муниципалон. Æрвылмæйон фиддоны бæрц та у 240 мин сомы. Æфсæддон комиссарады куыд фæбæрæг кодтой, афтæмæй тынг парахат сты æфсæддонты ‘хсæн æнæпилотон системæтæты дæлхайæдтæ. Цæрджытæ бафыссынц контракттæ афæдзмæ, уый фæстæ се ‘мгъуыд куы фæуа, уæд сæ бон у службæ ныууадзын.
Цæрджытæн ма сæ бон у контракт 3 азмæ бафыссын дæр, афтæмæй уыдзысты мобилизацион резервы хыгъды. Уыдон æххæст кæнынц Цæгат Ирыстоны энергетикæйы æмæ цардархайды объекттæ хъахъхъæныны хæстæ. Бæлвырддæр дзургæйæ, æфсæддонтæ хъахъхъæнынц дæлстанцæтæ æнæпилотон тæхæг аппаратты архайдæй мобилон æхсæн къордты хыгъды. Æмæ уымæ гæсгæ, мобилизацигонд нæ цæуынц. Иу мæймæ сæ мызд у 120 мин сомы. Æфсæддон хъахъхъæнынады хæстæ феххæст кæнынц афæдз 2 хатты, службæ цæуы 2 мæйы. Æдæппæтæй Дзæуджыхъæуы мобилизацион резервмæ фæнд кæнынц райсын 120 адæймаджы, ныридæгæн дзы равзæрстой 50-йы. Уыимæ ма республикæйы цæрджыты тыхсын кæны æппæтиумæйаг мобилизацийы фарста.
