Ам райгуырæн культурæмæ уарзондзинад ахуыргæнæн чиныгæй нæ фæзыны. Сывæллæттæ ногдзинæдтæ базонынц хъазты хуызы, сабийæ фæстæмæ сын зонгæ фæлгонцты фæрцы. Афтæ хъомылгæнджытæ архайынц национ культурæ хуымæтæг ахуыры хай скæныныл, цæмæй сывæллон информаци хуымæтæджы ма бахъуыды кæна, фæлæ дзы царды спайда кæнын дæр йæ бон уа.
Ахӕм хъӕзтытыл хъомылгӕнджытӕ сӕхӕдӕг бакусынц ӕмӕ сӕ ӕнӕхъӕн комплекстæ ӕрӕмбырд кӕнынц. Уыдонӕй иу — лэгбук “Мӕ райгуырӕн бӕстӕ”. Интерактивон чиныджы -Ирыстоны ӕрдз, истори ӕмӕ культурӕимæ баст алыхуызон хъӕзтытӕ. Хицӕн блок та — адӕмы цардыуаг. Сывæллæттæ сахуыр кӕнынц ӕрмӕг ӕмӕ ныффидар кӕнынц зонындзинӕдтӕ. Ӕппӕты цымыдисагдӕр хӕслӕвӕрд равзарыны фадат алкӕмӕн дӕр ис.
Программæ уайтагъд нæ фæзынд. Йæ райрæзтыл ацыд афæдзы æрдæджы бæрц. Чиныг саразаныл, зæгъæн ис, æмæ æнæхъæн коллектив дæр архайдта. Ахуыргæнджытæ бæрæг кæнынц: Хъазты формат ныридæгæн дæтты хорз бæрæггæнæнтæ. Сабитæ ныфсджындæрæй дзурынц мадæлон æвзагыл, суанг ма иронау ахуыр кæнынц сæ хотæ æмæ æфсымæрты.
Сывæллæтты ахæм хуызы разæнгард кæнæм Райгуырæн бæстæ уарзынмæ. Æххуыс нын сты мультипликацион нывтæ, хъæзтытæ. Базонгæ вæййынц традицитимæ, фæзыны сæм бæлвырд зонындзинæдтæ райгуырæн бæстæйы фæдыл. Зæгъæн ис, æмæ мах ахæм хуызы хъомыл кæнæм Фыдыбæстæйы патриотты.
Сӕ бакуыстытӕ Дзӕуджыхъӕуы сывæллæтты 95-æм рӕвдауӕндоны ахуыргӕнджытӕ фыццаг аз нæ ӕвдисынц профессионалон ӕхсӕнадӕн. Ацы хатт ма сӕм бафтыдысты 59-æм рӕвдауӕндоны ‘мкусджытӕ. Иумӕ бацӕттӕ кодтой къаддӕр ахуырадон формат — ирон хъӕзтытӕ. Афтӕ сывӕллӕтты зонгӕ кӕндзысты
Ныр 8-æм ӕмӕ 9-æм августы Дзӕуджыхъӕуӕй ахуыргӕнджытӕ сӕ практикӕтӕ бавдисдзысты Мӕскуыйы. Форум «Ориентиры детства 6.0» сæмбырд кӕндзӕн скъолайы агъоммӕйы ахуырады специалистты ӕппӕт бӕстӕйӕ. Программӕйы — хъуыддаджы фембӕлдтытӕ, дæсныйадæвдисæг ахуыртæ, педагогон практикӕты презентацитӕ ӕмӕ фӕлтӕрддзинадæй хай.
