Арæзтадон æрмæджытæ чи уæй кæны, уыцы амалхъом адæймæгтæ фæдис кэнынц. Тæрсынц, нæ республикæйы «Леруа Мерлен» йæ гипермаркет байгом кæнынмæ кæй хъавы, уымæй. Ома, дам, ныл æвзæрырдæм фæзындзæн. Æппæт зæрдæхсаинаг фарстатыл амалхъом адæм ныхас кодтой хицауад æмæ наукæйы минæвæрттимæ.
Амалхъом адæмы хъуыдымæ гæсгæ, регионы ахæм стыр компани куы фæзына, уæд сæ куыст бамынæг уыдзæн. Ома, сын иухуызон бартæ æмæ гæнæнтæ нæ уыдзæн. Дызæрдыг кæнынц, республикæйæн дæр фаг пайда кæй уыдзæн, ууыл.
Арæзтадон æрмæджытæ чи уæй кæны, уыдонæй бирæты бахъæудзæн сæ дуканитæ сæхгæнын. Афтæмæй республикæйы бюджетмæ хъалонтæ фæкъаддæр уыдзысты, æгуыст адæмы нымæц та фæфылдæр уыдзæн. Республикæйы экономикæйы министрад æмæ экономикæйы рæзты агентады минæвæрттæ лæмбынæг байхъуыстой адæмы курдиæттæм.
Бахастой фæндон инвестициты гæнæнтæ фæфылдæр кæнын æмæ экономикæйы райрæзтыл бакусын.
