Нæ республикæйы ныртæккæ цы социалон объекттæ цалцæг кæныц, уыдонмæ хауынц сывæллæтты республикон æмæ тагъд æххуысы клиникон рынчындæттæ. Рацарæзт цæуы дохтырты фæндонтæ хынцгæйæ.
Бæстыхæйттæ куы сцæттæ уой, уæд сифтонг уыдзысты ног, нырыккон домæнтæн дзуапп чи дæтты, ахæм кусæнгæрзтæй. Ныртæккæ цалцæг кæнынц гастроэнтерологон æмæ сылгоймæгты низтæ дзæбæхгæнæн хайæдтæ. Бынат дзы уыдзæн 60 адæймагæн. Проектмæ гæсгæ тагъд æххуысы клиникон рынчындонæн рахай кодтой 300 милуан сомы. Ахæм райрæзт цæуы паддзахадон программæ «Развитие здравоохранения»-йы фæлгæты.
Аразджытæ фæнд кæнынц бæстыхæйтты бындур ныффидар кæнын, уыимæ иуæй-иу конструкцитæ æмæ бæстыхæйтты уæлцъар баивын. Тагъд æххуысы клиникон рынчындоны куыстытæ фæуыдзысты афæдзы кæронмæ. Сæйраг дохтыры хæдивæг Пилиты Нанæйы ныхæстæм гæсгæ, дохтырты фæлтæрддзинад уæлдæргæнынæн ма фæнд кæнынц симуляцион центр дæр байгом кæнын.
