Тагъд медицинон æххуысы станцæйы дохтыртæн сæ куыст минутмæ дæр не ‘рлæууы. Боны дæргъы сæм æрбадзуры сæдæгай адæм. Уæлдайдæр та ныртæккæ – тæвд боныхъæды аххосæй цæрджытæ сæхи æвзæр арæхдæр æнкъарынц. Уæдæ Уæрæсейы фæлхасгæнджытæм цæстдарды управленийы бæрæггæнæнтæм гæсгæ, коронавирусæй рынчынты нымæц дæр фæфылдæр. Тагъд æххуысы бригадтæ ныртæккæ цы фæткмæ гæсгæ кусынц, уый базыдтой нæ уацхæсджытæ.
Раст бæрæггæнæнтæ фæнысан кæнын æмæ информаци тагъд æххуысы бригадмæ адæттын. Афтæ æхсæз сахат æмæ æдæджы дæргъы. Уыйбæрц ахæссы иу сменæ. Уыцы рæстæгмæ Тагъд æххуысы станцæмæ медицинон æххуыагур 100 хаттæй фылдæр æрбадзурынц. Уый æрмæст Дзæуджыхъæуы.
Ныртæккæ Цæгат Ирыстоны коронавирусæй рынчынты нымæц фылдæр кæны. Уый тыххæй мæйы райдиан фехъусын кодта Уæрæсейы фæлхасгæнджытæм цæстдарды управленийы разамонæг Тыбылты Алан. Уый хыгъд, Тагъд медицинон æххуысы станцæ кусы æрвылбоны фæткмæ гæсгæ. Æгас республикæйы радмæ рацæуы 70 бригады. Æмткæй райсгæйæ, суткæмæ медицинон æххуыагур æрбадзуры 700 адæймаджы бæрц. Уыдонæй 400 Дзæуджыхъæуæй.
Фæстаг суткæмæ коронавирус рабæрæг 50 адæймагмæ. Ныридæгæн Тагъд медицинон æххуысы станцæмæ арæхдæр нæ дзурынц. Эпидемиологон уавæр куыд ива, уымæ гæсгæ дохтыртæ сæ куысты фæтк аивынмæ цæттæ сты.
