Се ‘ппæтæн уарзон аргъау “Алиса в стране чудес” мюзиклы хуызы сног кодтой ирон сценæйыл. Театр “Саби”-йы равдыст ныр къорд хатты сæмбырд кодта чысыл театрдзауты. Ныртæккæ дæр ма бирæтæн цымыдисаг у чызджы истори, кæцы тæрхъусы хуынггомы æхсæнты бахауд алæмæты дунемæ. Льюис Кэрроллы хъуыстгонд уацмысмæ гæсгæ æвæрд спектакль рæгъмæ рахаста бынæттон фат-театр. Коллективы артисттæ йæ хорз зонынц сабиты цæмæй сбуц кæнын хъæуы, уый. Ивгъуыд аз труппæ сси Петербургы аивæдты фестивалы Гран-прийы хицау. Аивадон разамонæджы ныхасмæ гæсгæ, мюзикл уарзон сси æрмæст республикæйы нæ, фæлæ æндæр бынæтты цæрæг сабитæн.
