Сывæллæтты æппæтуæрæсеон конкурс «Праздник джаза»-йæн хатдзæгтæ скодтой. Кæронбæттæны схорзæхджын кодтой уæлахиздзауты. Радтой сын лæвæрттæ æмæ Кады гæххæттытæ. Ацы аз фестиваль ацыд комкоммæ æмæ онлайн хуызты. Сывæллæтты музыкалон скъолатæй дзы архайдтой 500 хъомылгæнинагæй фылдæр. Мадзал æрбангом кодта джазæн аргъгæнджыты бæстæйы 20 регионæй. Жюрийæн разамынд лæвæрдта аивæдты сгуыхт архайæг æмæ республикæйы адæмон артист Къæбойты Николай. Æртæ боны фæсивæд æвдыстой сæ цæттæдзинад, æмбæлдысты æмæ ныхас кодтой зынгонд дæснытимæ. Мадзаларзджытæ – Чайковскийы номыл музыкалон скъола æмæ Дзæуджыхъæуы администраци.
