Театралон аивады музейы байгом равдыст Евгений Вахтанговы номыл уырыссаг академион театры юбилейы кадæн

155 азы ирд курдиæтты æмæ уæлмонц æнкъарæнтæн аргъгæнгæйæ. Театралон аивады музейы байгом равдыст Евгений Вахтанговы номыл уырыссаг академион театры юбилейы кадæн. Экспозицийы – актерты хуызистытæ сæ театралон равдыстытæй, театралон нывгæнджыты эскизтæ, уыимæ æвзаргæ спектакльтæй сурæттæ. Бахъахъхъæнын бантыст Уырыссаг театры архивон афишæтæ дæр. Зæгъæм, 1939 азы, Хетæгкаты Къостайы юбилеймæ уагъд. Уырыссаг театры цард райдыдта 1871 азы 15 апрелы. Уæд, йæ байгомы бон сценæйы æвдыст æрцыд спектакль “Маскарад”. Уый цард Паддзахы дуджы, Советон Цæдисы æмæ нырыккон Уæрæсейы. Нæ фæцудыдта æппæты уæззаудæр рæстæджыты, уыимæ фæфылдæр кодта культурон хæзнатæ. Йæ историимæ æнæфæхицæнгæнгæ баст сты Евнгений Вахтанговы, Хетæгкаты Къостайы æмæ Михаил Булгаковы нæмттæ. Театралон экспозици фенæн уыдзæн июлы кæронмæ.