5 азы эфиры. Кусæм æнæрлæугæйæ, 24 сахаты суткæйы дæргъы. Алывæрсыг архайд – ног проекттæ, цымыдисаг бынæттæ æмæ алыхуызон уазджытæ. Фидæнмæ дæр «Осетия-Ирыстон»-ы къордмæ ис бæлвырд нысантæ.
Нарты зæрватыкк 5 азы размæ фыццаг хатт арвмæ стæхгæйæ æнтыстджын къахдзæфтæ кæны. Зæрватыкк сси национ телеуынынад нысан. Нырыккон бирæфадатджын студитæ, уæрæх авналæнтæ æмæ сæ куыстыл æнувыд специалисттæ. Национ телеканалы ис 70 сæрмагонд проектæй фылдæр. Ныхас дзы цæуы царды ахсджиаг фарстатыл, сæ арæзтмæ æмæ сæ хъуыдымæ гæсгæ сты цымыдисаг. Цæмæй телевизормæкæсджыты зæрдæмæ фæцæуой, уый тыххæй бацархайдтой сæ арæхстдзинад æмæ сæ курдиат равдисыныл. Уæлдай хъусдард дзы цæуы национ программæтæм.
Ам та цæттæ кæнынц хабæрттæ. Бон 5 хатты дзурæм хабæрттæ дыууæ ‘взагыл – иронау æмæ уырыссагау. Кæд æнцон хъуыддаг нæу, уæддæр нæ нысан æххæст кæнæм. Ньюсрумы алы адæймаг дæр зоны йæ хæстæ. Журналист у бирæвæрсыг курдиаты хицау: цæуы æрмæг исынмæ, фыссы тексттæ, йæхæдæг цæттæ кæны видеоæрмæджытæ.
Нæ телеканал кусы 24 сахаты къуырийы авд боны. Архайæм, цæмæй нæ алы равдыст дæр сымахæн уа зæрдæмæдзæугæ. Алы бон дæр нæ амонджытæ, уацхæсджытæ æмæ продюсертæ кусынц, цæмæй сымах зонат Цæгат Ирыстоны фæстаг хабæрттæ.
Ныр 5 азы эфирæй зæлы ирон ныхас, æвдыст цæуынц алыхуызон равдыстытæ. Национ телеуынынад «Осетия-Ирыстон» адӕмы зонгæ кæны, экономикон, политикон æмæ социалон къабæзты цы ахсджиаг цаутæ цæуы, уыдонимæ. Ног телеканал 5 азы размæ баххæст кодта æппæтуæрæсеон медиа-тыгъдад æмæ бæрнонæй архайы йæ размæ æвæрд хæстыл. Æхсызгонæй зæгъдзыстæм – адæм нæ зонынц æмæ нæм кæсынц. Егъау къорд æрвылбон архайы алыхуызон равдыстытæ цæттæ кæныныл.
Этносимæ баст программæтæ, проекттæ, азарма, фандырмæ æмæ «Большие Осетины» адæмæн систы зæрдæмæдзæугæ. Уацхæсджытæ, оператортæ, продюсертæ, режисертæ, монтажёртæ, администратортæ, амонджытæ. Бирæтæм сæ куысты райдиан сæрмагонд ахуырад дæр нæ уыд фæлæ уый хыгъд сæхи ацы къабазы ссардтой.
5 азмæ нæ уацхæсджытæ балæууыдысты Ирыстоны алы къуымты. Уæвгæ канд нæ фæлæ ма Уæрæсейы регионты дæр сфæлдыстадон къордтæ истой цымыдисаг проекттæ æмæ зонгæ кодтой ирон адæмы цардимæ.
Республикæйы сæргълæууæджы инаугураци, Аланийы аргъуыды бæрæгбонмæ Патриархы æрбацыд, комкоммæ эфиртæ Уæлахизы парадæй, æфсæддон форумтæй, кæнæ Мæскуыйы Сырх фæзæй. Æппæт уыцы куыст æнтысы æнгом æмарахайды руаджы. Нæ телеуынынады стырдæр хæзна у нæ коллектив. «Осетия-Ирыстоны»-ы кусджытæ. Стыр мыды чыргъæдау, дзы алы адæймаг дæр зоны йæ хæстæ. Нæ гуырæн боны хæдразмæ «Осетия – Ирыстон» ахызт ноджы иу къæпхæны сæрты. Телекомпани сси телерадио кусджыты националон ассоциацийы уæнг. Уый не ппæты сгуыхтдзинад. Телевизион журналистикæйы бæрзæндтæм тырндзыстæм дарддæр дæр, гъемæ нын гъе уыцы архайды бантысæд.
