Сӕ ныййарджытӕ сӕ къласмӕ куыд ӕрбакодтой, уый хорз хъуыды кæнынц. Йӕ фыццаг фондз, партӕйы уæлхъус кæимæ æрбадт, уый. Куыд тыхстысты, хынцинæгтæ сын куы нæ уадысты, уӕд. Иуӕндӕсӕмкъласонтӕм у абон æргомздæхт, къухӕмдзӕгъд. Скъолайӕн хӕрзбон зӕгъын уыцы иу рӕстӕг у ӕнкъард ӕмӕ æхсызгон.
Республикӕйы ӕппӕт скъолаты дӕр фӕсивӕдӕн арфӕ кӕнынц фыццагкъласонтӕ ӕмӕ ахуыргӕнджытӕ. Кӕфтытӕ, зарджытӕ, мысинӕгтӕ скъолайы хуыздӕр бонты тыххӕй. Райдайы ахсджиаг къӕпхӕн дӕр. Хæстæгдæр рæстæг дӕтдзысты иумӕйаг паддзахадон фӕлварӕнтӕ. Скъола “Диалог”-ы рауагъдонтӕм арфæйы ныхӕстимӕ фæсидт ахуырад ӕмӕ наукæйы министр Алыбегты Эллӕ.
Скъолайæн хæрзбон зæгъынц 4-æм гимназийы скъоладзаутæ дæр. Рауагъдонты лентытæ сæрбæрзондæй дарынц 9-æм къласы ахуырдзаутæ дæр. Мæхъиты Альберт бæрæгбоны вальсмæ йæхи цæттæ кодта дыууæ мæйы. Кæд йæхицæн фидарæй снысан кодта Цæгат Кавказы хæххон металлургон институты бирæвæрсыг колледжмæ бацæуын, уæддæр æм фæстаг дзæнгæрæг сæвзæрын кодта алыхуызон æнкъарæнтæ.
Кадджын линейкæйы раздæры рауагъдонтæ дæр – Дзæуджыхъæуы минæвæртты æмбырды сæрдар Таболты Сергей æмæ республикæйы хицауады сæрдар Дзанайты Барис. Премьер ахуыргæнджытæн арфæ ракодта æмæ сын загъта бузныг сæ фæллойы тыххæй, балæвар сын кодта дидинджытæ. Уый фæстæ та фæсидт фидæны специалисттæм.
Фæсте баззадысты уроктæ, контролон æмæ хæдзармæ куыстытæ. Фæстаг дзæнгæрæг азæлыд республикæйы 12 мин рауагъдонæй фылдæрæн. Скъолайæ сæйрагдæр райстой зонындзинæдтæ, уыдон сын æххуыс уыдзысты æнтыстджынæй иумæйаг падздзахадон фæлварæнтæ раттынæн. Фæлæ бирæ азты сæ зæрдæты хæсдзысты мысинæгтæ скъолайы цы 11 азы арвыстой, уыдоны фæдыл.
