Цӕгат Ирыстоны уæрæхдæр кæнынц бирӕсывӕллонджын бинонтӕн

Цӕгат Ирыстоны дарддӕр ӕххуыс кӕнынц бирӕсывӕллонджын бинонтӕн. Зӕгъӕм, фӕстӕмӕ сын раздахынц колледжты ӕмӕ техникумты ахуыры аргъӕй 20%.  Ноггуырд кæмæн ис, кæнæ сывæллоны хъомыл кæнынмæ чи райста, уыцы ныййарджытæн паддзахад цӕрӕнуат балхӕнынӕн рахай кæны субсиди. Алы сабийӕн дӕр — 18 квадратон метры. Республикæйы сæргълæууæг Сергей Меняйло куыд фæнысан кодта, афтæмæй ма бирӕсывӕллонджынтӕн æрвылаз дӕттынц ӕхца скъолайы ӕмӕ спортивон формӕйӕн. Сæ цотæн ис автобусты ӕмӕ трамвайты лӕвар цӕуыны фадат. Уымæй уæлдай сын коммуналон лæггæдтæ 30% асламдӕр сты — уый дæр компенсацийы хуызы. Ӕппӕт бӕлвырддзинӕдтӕ базонæн ӕмӕ документтӕ саразæн ис республикæйы фӕллойы министрады кӕнӕ кæцыфæнды бирæвæрсыг центры.