Цæгат Ирыстоны æкономикон рæзты министрад йæ бакуыстытæ равдыста

Цæгат Ирыстоны дарддӕр æххæст кæнынц “Разамынды практикӕты” проект. Расидтысты йæ республикӕйы сӕргълӕууӕг Сергей Меняйлойы хъӕппӕрисӕй. Фембӕлдтытӕ цӕуынц администрацийы разамонӕг Гобеты Ибрагимы цӕстдардӕй. Сӕйраг нысан — регионы ӕппӕт ведомствæты ‘хсӕн пайдаджын ӕмархайд. Хицауады сӕрдар Дзанайты Барис экономикон рæзты министрад схуыдта регионы разамынды “сӕрымагъз”. Премьер-министр бафиппайдта — регионы рæзт паддзахадон службӕгӕнджыты куысты хӕрзхъӕддзинадӕй аразгӕ у. Уый ахады нацпроектты ӕххӕсткӕнынад, туристты нымæц ӕмӕ инвестицитыл. Экономикон рӕзты министры хӕстӕ рӕстӕгмӕ ӕххӕстгӕнӕг Олег Быкадоровы ныхæстæм гæсгæ, санкциты уавӕрты ахсджиаг у куыстуӕттæ æмæ чысыл бизнесы фарсмæ балæууын. Министры хӕдивӕг Хлойты Тамерлан ӕмӕ амалхъомадæн ӕххуысы фонды директор Дзокаты Маринӕ радзырдтой бизнесӕн ӕххуысы механизмты тыххæй. Бацамыдтой паддзахадӕй æххуыс райсыны фадæттæ. Бамбарын кодтой, “Мой бизнес”-ы центртӕ куыд кусынц, уый. Мадзалы хицауад ӕмӕ амалхъомты ӕмгуыстады ӕнтыстджын дӕнцӕгтӕ дæр æрхастой. Æмæ уыцы фæлтæрддзинад ныридӕгӕн парахат кæны республикӕйы.