Цæгат Ирыстоны райдыдта сæрмагонд акци. Снысан æй кодтой Фыдыбæстæйы Стыр хæсты Кавказы тох куы райдыдта, уый 79 азмæ. Акцийы архайджыты ‘хсæн хицауады уæгнгтæ, студенттæ, æхсæнадон организациты минæвæрттæ.
Альпинистты сæйраг нысан – «Алани»-йы цъуппыл Советон Цæдисы хъæбатырты портреттæ равæрын. Хæстонтæ – Хуссар æмæ Цæгат Ирыстонæй хæсты йæхи хъазуатонæй чи равдыста, уыдон. Акцийы архайджытæм йæ раныхсы фæситд республикæйы сæргълæууæджы хæстæ рæстæгмæ æххæстгæнæг Сергей Меняйло.
Мадзалы бацархайдтой республикæйы хицауады уæнгтæ, æхсæнадон организациты æмæ бартæхъахъхъæнæг оргæнты минæвæрттæ, æфсæддон-патриотон змæлд «Æрыгон армионты» хъомылгæнинæгтæ, студенттæ.
Фыццаг бон къорд æрбынат кодта Алагиры районы Калачы хъæуы лагеры.
Экспедицийы бахъæудзæн зын фæндæгтыл ацæуын. Сæйрагдæр — æдасдзинад. Бæлцæтты æдасдзинадæн дзуапп дæтты Уæрæсейы Æнæнхъæлæджы уавæрты министрады Цæгат Ирыстоны агурæн-ирвæзынгæнæн хайады къорд. Материалон-техникон æххуыс та сын бакодта Хуссар æфсæддон зылды 58-æм æфсад.
28 адæймаджы се’хсæн не сфæлдыстадон къорд дæр, афтæмæй схызтысты Къуыдары æфцæгмæ. Бынаты сæмбæлдысты Хуссар Ирыстонæй акцийы архайджытимæ, Алчидæр йæ хъæбатыры къам йæ къухты хæссгæйæ, афтæмæй.
Уæрæсейы Федерацийы паддзахадон арæн. Галиуы ‘рдыгæй Цæгат Ирыстон, рахизы ‘рдыгæй йæ хуссайраг хай. Æфцæгмæ хæстæг боныхъæд æвзæры ‘рдæм фæивта. Уымæ гæсгæ къорды кадджын митинг бахъуыд Къуыдары æфцæгыл саразын. Афтæмæй дыууæ Ирыстоны минæвæрттæ, кæрæдзийæн æфсымæртæ, зæгъгæйæ ссардтой цъæх арвы бын æдасæй кæй фæрцы цæрæм, уыдоны рухс нæмттæ.
