«Спорт райдайы сывæллæттæй». Æппæтуæрæсеон гом тренировкæйы архайдта Цæгат Ирыстон дæр. Акци арæзт æрцыд Уæрæсейы 40 регионы. Ахæм егъау рауад фыццаг хатт. Республикæйы зындгонд спортсментæ сабитæн сарæзтой тренировкæ. Бацархайæн дзы уыд се ‘ппæтæн дæр. Акци аразджытæ – Сывæллæтты спорты райрæзты фонд «Спорт начинается с детей».
Баххуыс сын кодтой æппæтуæрæсеон фæссивæдон æфсæддон-патриотон змæлд «ЮНАРМИЯ» æмæ, цы горæттæ бацархайдтой спортивон мадзалы, уыдоны бынæттон администрацитæ.
