9-æм маймæ сæхи цæттæ кæнынц Суворовы номыл училищæйы дæр. Традицимæ гæсгæ фыццаг Сæрибардзинады фæзыл акъахдзæф кæндзысты курсанттæн æмæ кадеттæн сæ хъуыздæртæ. Уыдонæй алчидæр бæллыд ахæм егъау мадзалы бацархайынмæ. Бæстонæй хиуыл кусын æмæ сӕ цæттæ кæнын кæй хъæуы, уымæй дæр нæ фæтарстытсы. Репетицитæй иу бабæрæг кодта не сфæлдыстадон къорд.
Рæнхълæуды æмархайд. Мидбынаты командæтæ æххæст кæнын. Уыимæ ма къамандæгæнæджы салам æмæ арфæйы ныхасæн æмхъæлæсæй дзуапп раттын. Суворовы номыл училищæйы хъомылгæнинæгтæ ныр цыппæрæм хатт архайынц гарнизоны репетицийы. Максим Кашин фыццаг хатт нæ архайдзæн. Фæлæ ацы аз сæххæст уыдзæн йе стырдæр бæллиц.
Парады кадджын цыды архайын Суворовы номыл училищæйы ахуыргæнинæгтæй се ‘ппæты дæр фæнды. Уый сын уæлдай кад у. Фæлæ æфсæддонтæй Парадмæ равзарынц æрмæст хуыздæрты. 8-æй 11-æм къасы онг ахуырдзауты. Æдæппæтæй 100 адæймаджы.
Адон та барабандзæгъдджыты ротæ сты. Традицимæ гæсгæ уыдон байгом кæнынц парад. Цæгат Кавказы Суворовы номыл училищæ парады архайы æрвылаз. Бæрæгбонмæ цæттæ кæнын райдайынц рагагъоммæ. Æрыгон адæм сахатгай æмæ арӕх репитицитæй нæ фæлмæцынц.
Гарнизоны училищæйы хъомылгæнинæгтæй уæлдай парадмæ сæхи цæттæ кæнынц æфсæддонтæ. Æнæнхъæлæджы уавæрты министрады кусджытæ æмæ æрыгон армионтæ. Парадмæ ма баззад дыууæ къуырийы. Уыцы рæстæгмæ ма сын уыдзӕн 6 репетицийы, уыдонæй дыууæ ацæуыдзысты Сæрибардзинады фæзыл.
