Цæгат Ирыстон ис æртæ раззагдæр регионы ‘хсæн мæнæу æмæ сссады экспорты Уæрæсейæ

Цæгат Ирыстон ис æртæ раззагдæр регионы ‘хсæн мæнæу æмæ сссады экспорты Уæрæсейæ. Уый ивгъуыд азы бæрæггæнæнтæм гæсгæ. Хыгъды ма Стъараполы край æмæ Мæскуы. Уый тыххæй хъусын кæны «Агроэкспорт», зæгъгæ, экспорты райрæзты федералон центр. Æмткæй райсгæйæ, нæ бæстæ экспорты арвыста 881 мин мæнæу æмæ хъӕбӕрхоры ссад. Уый, 2021 азимæ абаргæйæ, у 3,5 хатты фылдæр. Ведомствойæ куыд хъусын кæнынц, афтæмæй апрелæй æрвылмæй ссад æрвыстой 60 мин тоннæйы, июны та уыцы бæрæггæнæн ахызт 100 мин тоннæйæ. Егъаудæр бæстæтæй ссад кæдæм арвыстой, уыдоны ‘хсæн Гуырдзыстон, Ирак æмæ Афганистан.