Абон Дзæуджыхъæумæ ссыдысты Донецкы æмæ Луганскы республикæты цæрджытæй йæ цæрæнбынат æнæбары чи ныууагъта, уыцы адæмы фыццаг къорд. Æдæппæтæй 21 адæймаджы. Се ‘хсæн 17 сывæллоны. Æрцæрын сæ кодтой санаторий «Юность»-ы. Тагъд рæстæджы сывæллæттæн фæзындзæн скъолатæ æмæ спортивон секцитæм цæуыны фадат. Уæвгæ, Цæгат Ирыстоны æдæппæтæй суазæг кæндзысты 1 мин лигъдоны.
Казачок бинонты фæндыд тагъддæр Донецкæй ралидзын. Фæстаг рæстæг сæ горæт æппынæдзух ис æхстыты бын. Цæрджытæ сæ хæдзæрттæй уынгмæ рахизын дæр нæ уæндыдысты, ныккæнды æмбæхстысты. Сæ цард бахъахъхъæнынæн сын уыд æрмæст иу гæнæн — æдас бынатмæ ралидзын. Ныр уыцы тас нывтæ фестæйы баззадысты.
21 адæймаджы, се ‘хсæн 17 сывæллогны. Дзæуджыхъæу уайтагъд сæ зæрдæмæ фæцыд. Сæ уæгъд рæстæг куыд æрвитдзысты, уый дæр ныридæгæн зонынц.
Республикæйы разамынд, æнæнхъæлæджы уавæрты министрады специалисттæ æмæ бархионтæ сывæллæтты сифтонг кодтой хъæугæ дзауматæй.
Ныр цæрдзысты санаторий «Юность»-ы. Ацы чызджытæ сæхи аивадон гимнастикæйы фæлвæрдтой. Ныр сын фадат фæуыдзæн сæ тренировкæтæ сног кæнынæн.
Санаторий ма раздæр дæр райста лигъдонты. 2014 азы суазæг кодтой Донбассы сæ хæдзæрттæй æнæбары чи сыстад, уыцы адæмы. Санаторийы кусджытæ сæ сæйраг хæсыл нымайынц сабитæн æмбæлгæ уавæртæ скæнын. Сывæллæттимæ кусдзысты бархионтæ, психологтæ æмæ социалон æххуысы центры кусджытæ.
Цалынмæ чызджытæ æнæмаст цардыл ахуыр кæнынц, уæдмæ сын бынæттæ нысан кæнынц скъолаты. Республикæйы хицауад ныридæгæн фарста аиуварс кæныныл архайы.
Цæгат Ирыстон цæттæ у мин адæймаджы райсынмæ. Суазæг сæ кæндзысты «Фыййагдон», «Ирыстон», «Юность» æмæ «Тæмискъ»-ы санаториты. «Урсдон»-ы пансионат æмæ Мæздæджы.
