Цæгат Ирыстоны 2500 æнхъæлцау сылгоймагæй фылдæр райстой социалон фиддон

2500 æнхъæлцау сылгоймагæй фылдæр райстой фарон фиддонтæ Уæрæсейы Социалон фонды Цæгат Ирыстоны хайадæй. Уыцы хъуыддагæн æрвыст æрцыд 355 милуан сомы. Ахæм пособи исынц кусгæ чи кæны æмæ сывæллоны райгуырды фæдыл отпусчы чи ис, кæнæ æртæмæйдзыд сабийы хъомыл кæнынмæ чи райста, уыдон. Фæрæзты бæрц нымайынц фæстаг дыууæ азмæ мызды рæстæмбис бæрцмæ гæсгæ. Ацы азæй фиддон уыдзæн бæрзонддæр. Сылгоймаджы æнæниздзинад хынцгæйæ – 124 мины 702 сомы, кæд сылгоймаджы уавæр æнцон нæ рауад, уæд фиддон уыдзæн – 138 мины 953 сомы, уыимæ дыууæ кæнæ фылдæр сабимæ куы æнхъæлмæ кæса æнхъæлцау, уæд пособи у 172 мины 801 сомы. Сылгоймаг амалхъом куы уа, уæддæр ын æмбæлы райсын ацы социалон æфтиаг. Уый тыххæй хъæуы социалон фæдзæхстады системæйы хи бафыссын.