Цæгат Ирыстоны абон фæстаг фæндараст загъынц Фыдыбæстæйы Стыр хæсты ветеран Владимир Пруссаковæн. Ацы аз ыл сӕххӕст уыдаид 99 азы. Ветераны бинонтæ æмæ хиуæттæн тæфæрфæс ракодта республикæйы сæргълæууæг Сергей Меняйло.
Владимир Пруссаковы хæстон фæндаг райдыдта Мæскуыйы бынæй æмæ бахæццæ суанг Берлинмæ. Архайдта Орлов-Курскы тохы, знагæй уæгъд кодта Белорусси, Польшæ, Прусси. 7-æм сентябры 1945 азы архайдта Берлины парады. Хорзæхджынгонд у фондз ордены æмæ майдантæй.
Владимир Пруссаков уыд диссаджы адӕймаг! Номдзыд хӕстон уӕлахиздзауы фӕлтӕрӕй – тыхджын ӕмӕ фидар уды хицау. Уӕздан ӕмӕ куырыхон. Хъыгагӕн, рӕстӕг йӕ кӕнон кӕны, ветерантӕ къаддӕр кӕнынц, фæнысан кодта Сергей Меняйло йæ тæфæрфæсы фыстæджы.
