Амалхъом адæм æмæ хи кондадыл чи архайы, уыдон паддзахады æххуысæй арæхдæр райдыдтой пайда кæнын. Цæгат Ирыстоны бафыстой 1000 социалон бадзырдæй фылдæр. Субсидийы æппын фылдæр бæрц та схызт 350 мин соммæ. Программæйы бацархайыны тыххæй хъæуы æрмæст Социалон лæггæдты хæстæгдæр комплексон центрмæ бацæуын.
Хæрз æрæджы дæр ма ацы бынаты нæ уыд аив къахвæндæгтæ, нæ дзы куыстой фонтантæ дæр. Фонтанты фæзыл цæуы ссæдз азæй фылдæр. Бындуронæй йæ рацарæзтой Быгъуылты Зауырбеджы проектмæ гæсгæ. Архитекторы æвæрæнты ис фæндзай куыстæй фылдæр. Архайдта куыд республикæйы, афтæ æндæр горæтты дæр. Терчы былгæрæттæ, Горькийы номыл сквер, Цæлаггты мыггаджы мӕсгуытӕ. Афтæ рауайы, æмæ Зауырбеджы хъуыдытæ сæххæст кæнын нæ бантысы, æмбæлгæ кусæнгæрзтæ бынаты кæй нæ вæййы, уый аххосæй. Фарста аиуварс кæнынæн хорз æххуыс у социалон контракт.
Архитектор бацæттæ кодта бæстон бизнес-пълан. Йæ райрæзтæн цалдæр мæйы фæстæ райста 250 мин сомы. Бахардз кæнæн сæ ис ифтонггæрзтæ, хардзон æрмæг æмæ хаццоныл. Специалисттæ юридикон æххуыс дæр бакæндзысты.
Зауырбег, куыд фæнд кодта, афтæ балхæдта канцелярон дзауматæ, принтер æмæ компьютер. Ныр йæ гæнæнтæ ноджы фæфылдæр сты. Паддзахадон æххуысæй спайда кæныны фадат алкæмæндæр ис. Цæгат Ирыстоны ныридæгæн бафыстой 1 000 социалон контрактæй фылдæр. Ацы аз субсидийы иуыл стыр бæрцыл схæцыдысты 350 мин сомы онг. Курдиат бадæттæн ис Социалон лæггæдты хæстæгдæр комплекмсон центры.
