Абон Кировы æмæ Рахизфарсы районты райдыдта конкурс «Ирон бæгæны»-йы къæпхæн. Фестиваль цæуы ныр 9-æм аз. Йæ хъæппæрис разынди компаниты къорд «Бавария» æмæ республикæйы культурæйы министрадмæ. Хуыздæр бæгæныфыцджыты бæрæг кодтой жюрийы уæнгтæ. Уыдон ын кæсынц йæ хуызмæ æмæ йæ адмæ. Куыд зæгъынц, афтæмæй афæдзæй-афæдзмæ конкурсы архайджыты фæлтæрдзинад æмæ арæхстдзинад кæны хуыздæр. Конкурсы æрдæгфиналтæ ныридæгæн ацыдысты Дыгуры, Æрæфы, Æрыдоны æмæ Алагиры районты. Фестиваль арæзт у дыууæ къæпхæнæй. Фыццаджыдæр районты равзардзысты хуыздæр бæгæныфыцæджы. Дæснытæ хъуамæ ирон бæгæны сцæттæ кæной хи хойрагæй. Аргъ ын скæндзысты жюрийы уæнгтæ. Уæлахиздзаутæ дарддæр архайдзысты дыккаг къæпхæны-регионалоны.
Финал уыдзæн Дзæуджыхъæуы 4-æм октябры. Фестивалы архайынц Хуссар Ирыстоны, Турк æмæ Францы минæвæрттæ.
