Цæгат Ирыстоны эпидемиологон уавæр у сабыр. Æхснырсæджы миниуджытимæ цæрджыты нымæц ивгъуыд къуыримæ уыд эпидемиологон къæпхæнæй 9,9% къаддæр.
Рынчытæн сæ фылдæр сты сывæллæттæ. Уæрæсейы фæлхасгæнджытæм цæстдарды управленийы специалисттæ ныййарджыты зæрдыл лæууынц кæнынц: æхснырсæджы миниуджытимæ æнахъомты скъолатæм æмæ рæвдауæндæттæм кæнæн нæй. Хъæуы баззайын хæдзары æмæ фæсидын дохтырмæ.
Ахджсиаг ма у профилактикæ хынцын: æхснырсæджы миниуджытимæ адæммæ хæстæг ма цæуын, къухтæ арæх ‘хсын. Сæйрагдæр та хи дзæбæхгæнæн мадзæлтты бæсты сидын медикты æххуысмæ.
