Цæгат Ирыстоны фæлварæны хуызы фæзындзысты архитектурон-арæзтадон кълæстæ

9.12.2025 13:52

Цæгат Ирыстоны фæлварæны хуызы фæзындзысты архитектурон-арæзтадон кълæстæ. Проекты хъæппæрис фæзынд хицауады сæрдары фыццаг хæдивæг Атарты Георгимæ. Ныридæгæн нысангонд æрцыд кусæг къорд, йæ хыгъды Цæгат Кавказы хæххон металлургон институты профилон факультетты декантæ. Ахуырадон пъланыл бакусдзысты институты цухдзинадмæ гæсгæ. Программæ здæхт уыдзæн скъоладзауты профессионалон фæлтæрддзинад фæфылдæр кæнынмæ æмæ сын се ‘ргом аразæджы æмæ архитекторы дæсныйæдтæм раздахынмæ. Ацы дыууæ здæхтæй регион æййафы уæлдай цухдзинад. Профессионалон кълæстæ фæзындзысты æртын æхсæзæм скъолайы бындурыл. Уæлдай æргом техникон дисциплинæтæм. Æвдæм къласы ныридæгæн фæзынд фæсуроктæ хахнывкæнынадæй. Фидæны ахуыры азы райдианæй та профилон предметтæ уыдзысты дæсæм къласы дæр. Уымæй уæлдай, æмархайд цæуы арæзтадон техникумимæ дæр. Скъолайы директор Цæллагты Тайæ фæнысан кодта, фыццаг уæвын алкæддæр вæййы зын æмæ бæрнон, фæлæ ахуыргæнæндоны ахæм гæнæнтæ кæй фæзынд, уый та æнæмæнг æххуыс у ног æмвæзадмæ рахизынæн.

Предыдущий материал

Сергей Меняйло сарæзта æрвылкъуырион аппаратон æмбырд

Следующий материал

Цæгат Ирыстоны æхснырсæгæй рынчынты нымæц эпидемиологон домæнæй у 16,5% къаддæр