Цымыдисаг æмæ ирд фæндаг райдыдта нæ республикæйæ 4,5 мин адæймагæн. Стыр конкурс уыд Паддзахадон аграрон университеты. Кусæндон у Цæгат Кавказы уæлдæр ахуыргæнæндæттæн сæ рагондæртæй иу. Парахатдæртæр здæхтытæ ам сты ветеранария, биотехнологи æмæ хъæууон-хæдзарадон кондады технологи. Исæн кампанийы ацы аз уыд ногдзинæдтæ. Аивта гæххæттытæ дæттыны фæтк.
Цæгат Ирыстоны паддзахадон университеты абитуриентты ‘хсæн парахатдæр уыд туризм. Кæд раздæр иу бынатмæ дыууæ адæймаджы цыд, уæд ныр та — 5. Æмæ диссаг дæр нæу. Ирыстонмæ цы уазджытæ цæуы æппæт бæстæйæ, уыдоны нымæц æппынæдзух рæзы. Уый хыгъд, республикæйы фылдæр хъæуы специалисттæ, профессионалон экскурсоводтæ.
Медицинон академи та райста 6 мин курдиаты. Афтæмæй, æппынкъаддæр ахуыргæнæндон срегистраци кæны 4,5 мин абитуриенты. Фæсивæд сæ гæххæттытæ фылдæр лæвæрдтой стоматологон факультетмæ. Фæпарахатдæр фармацевтон æмæ медикон-профилактикон хъуыддаг дæр. Бирæтæ æвзарынц педиатрия. Зæгъын ма хъæуы уый, æмæ ардæм ахуыр кæнынмæ цæуынц алы бæстæтæй фæсивæд.
Цæгат Кавказы хæххон-металлургон институты кæй фæнды ахуыр кæнын, уыдоны нымæц дæр рæзы. Ацы аз дзы уыд 801 бюджетон бынаты. Абитуриентты нымæц та фæфылдæр 8 хатты. Исæн къамис бакуыста 6 мин курдиатыл. Уыдонæй парахатдæртæртæ сты айти-технологитимæ баст дæсныйæдтæ. Абитуриентты ‘ргом раздахынæн æххуыс у профориентацион куыст.
Сентябрæй майы онг уæлдæр ахуыргæнæндоны алы сабаты дæр вæййы профоринтацион бон. Скъолатæ æмæ колледжты рауагъдонты фæзонгæ кæнынц æппæт дæсныйæдтимæ дæр. Уыимæ, нæ профориентацион къордæ вæййынц куыд горæтаг ахуырдзаутæ, афтæ районты сывæллæттæ дæр. Ам кæрæдзиимæ æмбæлынц æмæ ныхас кæнынц.
Исæн кампанийы ма специалисттæ ма бæрæг кæнынц иу ногдзинад. Фылдæр абитуриенттæ гæххæттытæ лæвæрдтой паддзахадон лæггæдты порталæй пайдагæнгæйæ. Уый у зынгæ æнцондæр.
