Цæгат Ирыстоны паддзахадон университеты райдыта абитуриенттæ исыны кампани. Ацы аз ахуыргæнæндоны бацæттæ кодтой ног программæтæ. Фæзынд дзы 14 ног ахуыры здæхтмæ алы къабæзты. Зæгъæм, “Менеджмент туристских дестинаций”, здæхт байгом кодтой Санкт-Петербурджы паддзахадон унивеситетимæ иумæ. Цы специалисттæ дзы кусы, уыдон араздзысты лекциты 30 %. Фидын кæмæн хъæуы, ахæм ахуыры бынæттæ ацы здæхты магистратурæйы ис 15. Сæ аргъ 160 мин сомы афæдзмæ. Уыцы æхцайы фæрæзтæ аххæсдзысты æндæр горæты практикæ ацæуыныл дæр. Санкт-Петербурджы студенттæ ахуыртæ цæуыдзысты раззагдæр специалисттæм.
Иу программæ ма “Уырыссаг æвзаг æмæ литературæ. Медиакоммуникацийы бындуртæ”. Ацы здæхты, бындурон зонындзинæдтæй уæлдай ма базондзысты пиар-компанитæ куыд аразын хъæуы, уый. Сахуыр уыдзысты раст сæ фидæны клиенттимæ ныхас кæнын. Ахуырмæ бацæуынæн документтæ æрбахæссæн ис 12 сахаты онг Цæгат Ирыстны паддзахадон университеты концертон залы бæстыхаймæ. Уыимæ ма курдиат бадæттæн ис он-лайн хуызы паддзахадон лæггæдты порталы.
