Цæгат Ирыстоны паддзахадон университет ма æххуыс кæны æрыгон бинонтæн дæр. Уæлдæр ахуыргæнæндон фыццаг хатт снысан кодта бинонты стипендитæ. Ахæм уынаффæ рахаста университеты ректор Огъуаты Алан.
Стипенди фидынц боныгон чи ахуыр кæны, официалон æгъдауæй бинонтæ чи скодта, æмæ сывæллон кæмæн ис, уыцы студенттæн. Алы ныййарæг дæр исы фæйнæ 15 мин сомы. Ныридæгæн уыцы фадатæй спайда кодтой 5 адæймаджы. Сæ ныхæстæм гæсгæ, уый сын зынгæ æххуыс у.
