Гом регионалон чемпионат «Молодые профессионалы» WorldSkills Russia райдыдта абон Цæгат Ирыстоны. Кадджын уавæры æй байгом кодтой ЦИПУ-йы концертон залы.
Чемпионат аххæсдзæн 3 боны. 25 февралæй 27 февралы онг. Республикæйы цæуы 8-æм хатт. Сæ арæхстдзинад дзы æвдисдзысты 29 компетенцимæ гæсгæ. 20-йы дзы архайдзысты студенттæ 16 азæй 22 азы онг кæуыл цæуы, уыдон. Скъоладзауты бон уыдзæн сæхи юниортæн компетенциты бафæлварын. Уæдæ, 50 азæй хистæр архайджытæн дæр фадат уыдзæн чемпионаты бацархайын. Ерысты архайджыты ‘хсæн ис Санкт-Петербург, Татарстан æмæ Краснодары крайæ минæвæрттæ. Чемпионат апарахат уыдзæн 6 фæзыл. Уæлахиздзаутæй сæмбырд кæндзысты командæ. Æвзарæн къæпхæнты фæстæ архайдзысты чемпионаты финалы.
