Цæгат Ирыстоны раззагдæр проекттæ куыд æххæстгонд цæуынц, ууыл æрдзырдтой хицауады уæнгтæ æмæ инвестортæ. Æмбырд амыдта премьер Дзанайты Барис. Ныртæккæ республикæйы æххæстгонд цæуы 5 раззагдæр проекты. Се ‘хсæн агропромышленнон комлекс, туризм æмæ логистикæйы къабæзтæ.
Туристон комплекстæ “Мамысон”, “Алания парк” æмæ “Къæхтысæр”. Проектты ‘руаджы 2030-æм азмæ бантысдзæн 7 мин куысты бынаты саразын. Дзанайты Барис фæнысан кодта, фарстамæ æппынæдзух кæй ис бæстæйы хицауады æмæ республикæйы сæргълæууæджы цæстдард, кæнынц сын æмбæлгæ æххуыс.
