Цæгат Ирыстоны сæргълæууæг Сергей Меняйло Мæскуыйы фембæлд арæзтад æмæ цæрæнуæтты коммуналон хæдзарады министр Ирек Файзуллинимæ. Ныхас кодтой нæ республикæйы социалон объектты арæзтад æмæ коммуналон хæдзарады уавæрыл.
Се ‘ргом аздæхтой нацпроекттæ æмæ федералон программæтæ æххæст кæнынадмæ. Афæдзы райдианæй, цыппар мæймæ, нæ регионы сарæзтой цæрæнуæтты 246 мин кв. метры. Уый, фаронимæ абаргæйæ, у дыууæ хатты фылдæр. Дзырдтой Алагиры «Сыгъдæг дон»-ы проект куыд æххæст кæнынц, ууыл. Ивынц дзы дондзæуæн хызæгтæ. Æнтыстджынæй архайд цæуы социалон инфраструктурæйы рацарæзтыл.
