Цæгат Ирыстоны зæхкусджытæ бавнæлдтой уалдзыгон-быдырон куыстытæм

Цæгат Ирыстоны сæ тæмæны бацыдысты уалдзыгон-быдырон куыстытæ. Зæхкусджытæ бацæттæ кодтой техникæйы 6 мин иуæгæй фылдæр. Уыимæ ма амал кæнынц минералон хъацæнтæ æмæ зайæгойтæн хъæугæ фæрæзтæ. Æввонггæнджытимæ республикæйы хъæууон хæдзарады министрад архайы комкоммæ, цæмæй товарты хæрзхъæддзинадмæ цæст дарой. 170 мин гектарæй 110 минæй фылдæр сты уалдзыгæндтæ, 60 мины та фæззыгæндтæ. Уыимæ ма байтаудзысты нартхор, мæнæу, спаржæ, рапс æмæ хъæбæрхор. Дзуапдæттæг ведомствæйы фæнысан кодтой, ныртæккæ ахсджиаг у ног технологитæй пайда кæнын.